মুখ্য পৃষ্ঠা
"আথানি কোঁৱৰ, বুকুৰ বিষ আৰু হালধীয়া জোনাক"
(এমুঠি অনুভূতি, কবিতা নহয়)
(১)
বিৰিণা কুঁৱৰীয়ে চুলি মেলি
ৰাউচি জুৰে
আথানি কোঁৱৰ দহি পুৰি মৰে
মাজত এখন নৈ
স্মৃতিৰ শটো গুচি যায় বৈ
স্মৃতিবোৰ হালধীয়া জোনাক
স্মৃতিবোৰ কেঁচা তেজৰ বিষাদ
স্মৃতিবোৰ মাজৰাতিৰ বিকাৰ
(২)
বুকুখন বিষায়
বুকুৰ বিষ
কালিঘুঁকিৰ তামস
বুকুৰ বিষ
আৰণ্যক শ্বাপদ
(৩)
কিবা যেন আধৰুৱা হৈ ৰৈ গ'ল । জীৱনৰ দৰে ।
বুকুৰ ভিতৰত ৰৈ থকা
সুপ্ত শব্দৰ হিল্লোলবোৰেই
একো একোটা অলিখিত অকবিতা ।
(৪)
মই লিখিব নোৱাৰিম
মই লিখিব নোৱাৰিম
মোৰ কলিজাৰ বিষাদ গাঁথা ।
ණ কন্দৰ্পজিৎ কল্লোল
