Teya Salat
K.Kallol 2014

মুখ্য পৃষ্ঠা

"বড়াই ফৈল্ছেনা
কিচ্ছাৰ চেংৰী"
===========

বড়াই ফৈল্ছেনা কিচ্ছাৰ চেংৰী
বাইৰ্ষাৰ শেষত মোৰ কথা মনত
পৈৰ্ছেনা কিচ্ছাৰ চেংৰী
তোৰ বুকেৰ নিজানত

মুঁই জানুং, -
বাইৰ্ষা ভোলানাথেৰ ভূঁই ৰুয়া
আল্সিয়া তোৰ এই দেহা
অল্পখানিক দুখ্যো পাইলেয়
গালে-মুখে ফলে বড়াই-জেদ

পাছে তুই কী জানিসনা কিচ্ছাৰ চেংৰী
মোৰ বুকত কি ফুল ফুলে
তোক নাদেখিলে..
(ভয় লাগে - তোক
যুদি কাড়িয়া নেয় অন্যয় !)

ছাওয়াবেলাত
বড়াই বড়াই খেলাছিলেং আমা
তুই পাকা বড়াই
মুঁই অ'ৰে পহৰাদাৰ
আৰ্ আকদিন ৰাজাৰ বেটায় ছিঙাবাৰ চাওয়াতে
মুঁই যে হাতে-ঠেঙে ফৰ্কাছিলুং অ'ক
বেছেৰা ৰাজাৰ বেটা !
আক দিব্যি, দুই দিব্যি
তিন দিব্যি খায়া -
অ'য় যে আৰ্ কুনোদিনে নাহোছিল আমাৰ বড়াই খেলাৰ লগ

তাৰপৰে তুই খুব কান্দিলি কিচ্ছাৰ চেংৰী
কান্দিয়া কান্দিয়া
চোঁখত ফুলালি মস্ত বড়াই দুইটা
বুকত আখান বড়াই-বাগান

আৰ্ তখনেৰ থাকিয়ায় মুঁই
আকঝাপা কাঁটা হোয়া বাছিয়া
আছুং কিচ্ছাৰ চেংৰী
তোৰ বুকেৰ বড়াই-বাগানত

* মূল : ৰুবুল দাস
* বুলিবদল : কন্দৰ্পজিৎ কল্লোল