মুখ্য পৃষ্ঠা
জলবন্দী
=====
পিতাইৰ দুটোপাল বীৰ্যই জালত মেৰিয়াই
জলবন্দী কৰি মোক পঠিয়াই দিলে আইৰ গৰ্ভত
তেতিয়াৰ পৰাই মোৰ মুক্তিৰ সপোন
তেতিয়াৰ পৰাই মোৰ স্বাধীনতাৰ আন্দোলন
তেতিয়াৰ পৰাই আইৰ গৰ্ভত জঁপিয়াই জঁপিয়াই
প্ৰতিবাদী কাৰ্যসূচী
তেতিয়াৰ পৰাই পিতাইৰ বুকুত বিষ
দুচকুত ছায়াস্বপ্ন
জালমুক্ত জলমুক্ত হৈ
সপোন ভঙা মাছে ছটফটায়
আকৌ সোমাই যায়
এন্ধাৰৰ গভীৰ গৰ্ভত
আইৰ গৰ্ভৰ পৰা সৰি পৰাৰ পৰাই
মই পথভ্ৰষ্ট আথানিকোঁৱৰ
এতিয়া জলজ সপোন এটাক
জলবন্দী কৰি
তামস প্ৰণাম !
ණ কন্দৰ্পজিৎ কল্লোল
