K.Kallol 2014

মুখ্য পৃষ্ঠা

JJTLJTM

যলৈকে যাওঁ তালৈকে লৈ যাওঁ
তোৰ মৃতদেহ
===============

মই নষ্ট শিৱ
সতী, যলৈকে যাওঁ তালৈকে লৈ যাওঁ
তোৰ মৃতদেহ

সতী, তই কি বুজিবি
মোৰ বুকুৰ ব্যাথা
সতী, তই কি বুজিবি
মোৰ বুকুৰ জ্বালা

সতী, তুমি হীনতাত টান দিওঁ
ছিলিমত
ধোঁৱা আৰু ধোঁৱা
ধোঁৱাৰ মাজত ডুবি
তোৰ শৰীৰৰ ছবি আকোঁ

মই নষ্ট শিৱ
ছিলিমত টান দিওঁ
ধোঁৱাৰ মাজতত নিজকে হেৰুৱাওঁ

তোৰ বাপেৰ দক্ষ মহাৰাজ
কি বাল বুজিব মোৰ মনৰ কথা
মই জোঁৱাই তো ধোঁৱাশক্ত
ধোঁৱাশক্ত মাতাল
দুখ লাগিলে ছিলিমতে দিওঁ টান
তাৰ পিছতো সতী তোক
তোকেই মই ভালপাওঁ

মই নষ্ট শিৱ
অলপতে খুচি
যিয়ে যি বিচাৰে
তাকেই দিও বুক উজাৰি
দি দি নিস্ব
নিজৰ একোই নাই
নিদ্ৰাহীনতাত আমি
দিন কটাওঁ

কৈলাসত তই নাই
তই এলতিয়া এটা শ
মই তাৰেই বেআলো

বেআলোত মাতাল হওঁ
কান্ধত উঠাওঁ তোৰ মৃতদেহ
য'তেই যাওঁ তাতেই লৈ যাওঁ

তোৰ শাখা খহে খহক
তোৰ নাক পৰে পৰক
তোৰ কাণ ছিগে ছিগক
তোৰ মূৰ ভাঙে ভাঙক
কেৱল তোৰ কলিজাটো থাকিলেই হয়
যাক মই ভালপাওঁ
যাৰ বাবেই মই
দিন আৰু ৰাতি কটাওঁ

ණ কন্দৰ্পজিৎ কল্লোল


Polly po-cket