মুখ্য পৃষ্ঠা
কিচ্ছাৰ ৰাজকুমাৰী
আৰ্ ডিঙা মেলা বাইচাৰেৰ অলিখিত কাহিনী
===============
মুঁই ঘাটত বসিয়া দেখিয়া থাকুং....
ফাল্গুনী হাওয়াত ঘাটা ছাড়িয়া
বেঘাটাত যায় তোৰ ডিঙা
তোৰ ভাঙা কাঠেৰ বৈঠা
লৰক্ ভৰক্
তোৰ ভাঙা বুকেৰ ক্ৰন্দন
থৰক্ বৰক্
কাক বিছৰিয়া যাইস
কাৰ ঘাটত বসিয়া
জিৰাবাৰ চাইস
মুঁই ঘাটত বসিয়া দেখিয়া থাকুং
ৰূপকথাৰ ডানা মেলিয়া উড়িয়া যাং
কিচ্ছাৰ মতোন কৰিয়া
ধূসৰ ধূসৰ ৰাত্তিৰ আগুন
বুকত উড়ে উদাসী ফাগুন
কাক দেখিস বাইচাৰ ভাই
কাৰ জৈন্যে অপেক্ষাত দিন কাটাইস
তোৰ ডিঙা উজিয়াও যায়
তোৰ ডিঙা ভাইটায়াও যায়
কিন্তু বিছৰিয়া নাপায় জিৰাবাৰ ঘাট
তোক বৰিবাৰ জৈন্যে চাইলন বাতি ধৰিয়া নাইসে
কুনো ৰূপকথাৰ ৰাজকুমাৰী
তোৰ ডিঙাত কয় হাঁটু জল
জল না অশ্ৰুৰ কলবল্
কিচ্ছাৰ ৰাজকুমাৰীৰ সপোন বান্দিস বুকত
আৰ্ মেলিয়া দিস ডিঙা
ডিঙা যায় আৰ্ যায়
ৰাজকুমাৰী বসিয়া থাকা
ঘাট
বিছৰিয়া নাপায় !
ණ কন্দর্পজিৎ কল্লোল
