Disneyland 1972 Love the old s
K.Kallol 2014

মুখ্য পৃষ্ঠা

1013748 474158046027801 329186546 n

"নীলা ফোঁট-ৰঙা ফোঁট"
==========

কিবা ক'বা ?
ক'লে কোৱা !
চুপচাপ শুনিম মাথোঁ,
উত্তৰ দিয়াৰ মুড নাই !

হু,
খঙত আছোঁ ভীষণ,
তোমাৰ ওপৰত,
আজি কথা কোৱাৰ
ইচ্ছা নাই ।

মোৰ চকুৰ ফালে চোৱা,
সঁচাই কৈছোঁ,
আজি তোমাৰ ফালে ঘূৰিও নাচাম ।

এই,
আজি নীলা ফোঁট
দিয়া নাই কিয় ?
বুজিছোঁ,
তথাপি ৰঙা ফোঁটতো
বেয়া লগা নাই ।
দেৱীত্ব যেন উপচি পৰিছে
তোমাৰ ওপৰত,
কপালত সূর্যমামাৰ
লালিমাৰ ছাপ ।

এই ছোৱালী,
তোমাক কৈছোঁ নহয়,
চুলিবিলাক মেলি নাৰাখিবা !
নহয়, নহয়,
বেয়া লাগিব কিয় ?
চোৱা সকলোৱে কিদৰে দেখি আছে,
মোৰ খুব ঈর্ষা হয়,
ঈর্ষাৰ লগত মিহলিহৈ থাকে
তোমাক হেৰুৱাৰ ভয় !

হয় সঁচাই,
আজি মই একো নক'ম ।
আজি মোৰ
কথা কোৱাৰ ইচ্ছা নাই,
চোৱা,
তোমাৰ ফালেও দেখা নাই,
ফোঁটটো অলপ বেঁকা হৈছে,
ঠিক কৰি লোৱা !

• মূল : আকতাৰ উজ জামান মুন্না
• অনুবাদ : কন্দর্পজিৎ কল্লোল